Tronditet vendi, 2 të vrarë në Velipojë, policia jep detaje për viktimat

Drejtori i policisë së Shkodres Edmond Sulaj ka dalë në një deklaratë për ngjarjen e rëndë e ndodhur këtë të hënë në Velipojë ku dy persona kanë humbur jetën pasi u qëlluan me armë zjarri.

Arsid Hoxha 22 vjeç edhe Ersild Ishmi 33-vjeç humbën jetën pas një konflikti me Eduard dhe Gëzim Frrokun, pronar të një hoteli. Sipas Sulajt, shkak i konfliktit kanë qenë disa debate të mëparshme.

Deklarata:

“Siç jeni në dijeni jemi lajmëruar se rreth orës 21 të mbrëmjes në qytetin e Velipojës ka ndodhur një konflikt me armë zjarri ku për pasojë janë plagosur e më pas kanë humbur jetën në spital  Arsid Hoxha 22 vjeç edhe Ersild Ishmi 33-vjeç.

Mendohet se shkak I këtij konflikti është një debat mes dy viktimave dhe pronarëve të hotelit, Eduard dhe Gëzim Frroku, shkak i këtij konflikti ka qenë një debat mes kamarierit dhe kuzhinierit të këtij lokali. Policia po punon për dokumentimin e kësaj ngjarje të rëndë dhe  të arrestimit të autorëve të dyshuar si edhe personave të përfshirë në këtë ngjarje kriminale”.

LEXONI GJITHASHTU:

• Vrasje e dyfishtë në Shkodër, kush janë viktimat (Emrat)
• “Vëllain tim e vranë 4 kriminelë”, motra e Egli Progës mbytet në lot gjatë fjalimit