Trump dhe Musk pas debatit publik: Nuk ka ndjesi të keqe mes nesh

Presidenti i SHBA-së, Donald Trump, i ka thënë gazetës New York Post se nuk ka “asnjë ndjenjë të keqe” pas kritikave publike të miliarderit Elon Musk për “faturën e tij të madhe dhe të bukur”, megjithëse të dy patën një grindje javën e kaluar.

“Nuk kam asnjë ndjenjë të keqe,” tha Trump, duke shtuar se ishte “vërtet i befasuar që kjo ndodhi”.

Më herët, Trump kishte shprehur zhgënjim ndaj Musk, por tani thekson se “gjëra të tilla ndodhin” dhe se nuk e fajëson atë për asgjë.

I pyetur nëse mund të kenë marrëdhënie të mira në të ardhmen, presidenti u shpreh optimist, megjithëse la të kuptohet se kjo nuk është prioritet për momentin.
“Funksioni im i vetëm tani është ta kthej këtë vend në një nivel më të lartë se kurrë më parë. Dhe mendoj se mund ta bëjmë këtë,” tha ai.

Nga ana e tij, Elon Musk i kërkoi falje të mërkurën në platformën X  për disa prej postimeve të tij në lidhje me Trumpin, duke pranuar se “kishte shkuar shumë larg” në kritikat e tij.

LEXONI GJITHASHTU:

• “Kam gjithnjë e më pak besim…”, Trump flet për marrëveshjen bërthamore me Iranin
• Orban: Evropa nuk e mbështet iniciativën e Trump për paqe në Ukrainë