“Trupa në kufi, mesazh i Vuçiç”, flet për Euronews ministri i Mbrojtjes në Kosovë

Ministri i Mbrojtjes i Kosovës, Ejup Maqedonci tha në një intervistë për emisionin Review në Euronews Albania se dislokimi i ushtrisë serbe në kufirin me Kosovës është një mesazh i Aleksandër Vuçiç ndaj Kosovës.

“Gjendja e sigurisë në territorin e Kosovës është e qetë, por vazhdon të jetë e tensionuar në pjesën kufitare ku kemi pasur një zbarkim të trupave ushtarake serbe që vlerësoj që është një dërgim mesazhi i politikës së Vuçiç për Kosovën për shkak të humbjeve që kanë pasur eksponentët e tij paraushtarakë në veri”, tha ministri.

Ai u shpreh se qeveria e Kosovës ka siguruar prova dhe fakte që vërtetojnë se ajo që ndodhi të dielën në Banjskë nuk ishte një sulm terrorist por një plan i mirëorganizuar ushtarak për të pushtuar një pjesë të territorit në veri të Kosovës.

LEXONI GJITHASHTU:

• Lëvizjet e ushtrisë serbe drejt vijës kufitare me Kosovën, reagon qeveria Kurti
• SHBA i kërkon Serbisë të tërheqë ushtrinë nga kufiri me Kosovën