Trupat e NATO-s e SHBA në Shqipëri, koloneli: Ja pse vijnë në vendin tonë

Stërvitja “Defender Europë ‘23” është një stërvitje e përbashkët shumëkombëshe, e përvitshme, drejtuar nga ushtria e SHBA-ve, e cila ka në fokus konsolidimin e elementëve të gatishmërisë dhe ndërveprueshmërisë ndërmjet forcave të armatosura të Amerikës, vendeve të NATO-s dhe atyre partnere.

Në kuadër të këtij angazhimi stërvitor , në datat 15 maj – 9 qershor 2023, vendi ynë do të mirëpresë dhe zhvillojë  dy lloj  stërvitjesh.

Në lidhje me këtë kolonel Arian Osmani, u shpreh se kjo stërvitje në vendin tonë këtë vit është më e vogël krahasuar me vitin 2021.

Më tej ai theksoi se stërvitja ndodh në vendin tonë pasi Shqipëria është një element shumë i rëndësishëm për sa i takon gjeostrategjisë.

“Krahasuar me vitin 2021 , kjo stërvitje vjen më e vogël për nga  natyra e dislokimit të trupave. Skenarët ndryshojnë dhe janë  pjesë e vendimmarrjes së lartë politike në NATO. Shqipëria është një element shumë i rëndësishëm për sa i takon gjeostrategjisë dhe kjo tashmë është e vlerësuar jo vetëm nga aleatët por dhe nga të gjitha nivelet e vendimmarrjes. Zhvillimi i Forcës së Armatosur i përfshin të gjithë elementët dhe të gjithë komponentët e saj përbërës. Nuk mund të kesh një forcë të armatosur të zhvilluar të mordenizuar, të mirëtranjuar, pa i pasur  të balancuar të gjithë komponentët përbërës. Të gjithë forcat e armatosura kanë rolin e vet”- tha ai.

LEXONI GJITHASHTU: 

• Basha nis sot takimet për rikthimin, 2 grupet e PD-së mbledhje në të njëjtën kohë
• A do të ketë sërish zgjedhje në Himarë? Deputeti i PS analizon çështjen Beleri