Trupi i Kryepeshkopit Anasatas në Katedralen Ortodokse, mbahet Mesha e Përshpirtjes

Besimtarë të shumtë kanë mbërritur në Katedralen ‘Ngjallja e Krishtit’, aty ku u vendos dhe arkëmorti i kryepeshkopit Anastas.

Në kishë është mbajtur mesha në nder të shpirtit të Janullatos, e cila zgjati 20-30 minuta, ndërsa shërbesa është drejtuar nga të gjithë mitropolitët.

Më pas, gjatë gjithë pasdites pritet të ketë homazhe nga qytetarët dhe gjithashtu, gjatë mbrëmjes duke nisur nga ora 21:00 do të mbahet një tjetër meshë. Ceremoni të tilla do të vijojnë edhe ditën e nesërme.

Ceremona e varrimit do të mbahet ditën e enjte më 30 janar, teksa do i jepet lamturia e fundit kryepeshkopit Anastas pas liturgjisë hyjnore në katedralen “Ngjallja e Krishtit”

Në ceremoninë  e fundit për Janullatos, pritet të marrin pjesë përfaqësues të lartë dhe patriarkë nga kisha ortofokse në botë. Nga Athina pritet të jetë i pranishëm dhe kryeministri i Greqisë, Kyriakos Mitsotakis dhe kryepeshkopi i Greqisë.

LEXONI GJITHASHTU:

• “Lule dhe lotë”- Meshë për Kryepeshkopin Anastas Janullatos në Gjirokastër
• Mitsotakis dhe Kryepeshkopi i Athinës do jenë të pranishëm në varrimin e Janullatos