Tryeza e Atlantic Council, Rama nga Uashingtoni: Pati një interes të lartë për Shqipërinë

Kryeministri Edi Rama këtë të premte ka marrë pjesë në tryezën e Atlantic Council në Uashington. Rama ka ndarë detaje nga kjo tryezë teksa theksoi se gjatë bisedimeve pati interes të lartë për Shqipërinë.

“Uashington, Në tryezën e Atlantic Council, një nga organizatat më të rëndësishme të politikave strategjike në SHBA, ku pati një interes të lartë për Shqipërinë, profilin e saj të ri ndërkombëtar dhe pikëpamjet tona mbi Bordin e Paqes, konfliktet e hapura si edhe rrugën e zgjerimit të Bashkimit Europian”, shkruan Rama.

Nga pamjet e postuara nga takimi, Rama ishte i shoqëruar nga ministri Ervin Demo. Rama të enjten mori pjesë në mbledhjen inaguruese të Bordit të Paqes të presidentit amerikan, Donald Trump.

Rama gjatë fjalës së tij u zotua se Shqipëria është gati të kontribuojë me trupat e veta për sigurinë në Gaza. Ai iu bëri thirrjeve të gjitha vendeve që të japin kontributin e tyre për rindërtimin e Gazës, nëse jo me para me infrastrukturë, për fëmijët e Gazës.