Turqia dhe Greqia ‘luftë fjalësh’ për ishujt në Detin Egje

Një ‘luftë fjalësh’ ka nisur mes Turqisë dhe Greqisë për ishujt në detin Egje, me të dyja vendet që shkëmbejnë akuza dhe kërcënime në distancë.

Presidenti turk Rexhep Tajip Erdogan paralajmëroi të enjten Athinën që të çmilitarizojë ishujt që ai pretendon se i janë dorëzuar Greqisë në mënyrë paqësore.

Ankaraja ka akuzuar autoritetet greke për praninë e forcës ushtarake në kundërshtim me Traktatin e Lozanës të 1923 dhe Traktatin e Parisit të vitit 1947, të cilat garantojnë statusin e paarmatosur të ishujve, shkruan Euronews.

Erdogan deklaroi se ai “nuk bën shaka” dhe madje postoi në Twitter një retorikë të ashpër ndaj Greqisë, në gjuhë angleze, por edhe greke.

Η Τουρκία δεν παραβιάζει τα δικαιώματα και το δίκαιο κανενός, δεν επιτρέπει όμως ούτε την παραβίαση των δικαιωμάτων και του δικαίου της από κανέναν.

— Recep Tayyip Erdoğan (@RTErdogan) June 9, 2022

Greqia ka deklaruar se ishujt të vendosura në distancë goditëse nga një flotë e madhe zbarkuese turke nuk mund të lihen të pambrojtura dhe kanë qenë të garnizonit për dekada.

Ndërsa të dy vendet janë aleatë të NATO-s, ata janë përfshirë prej kohësh në mosmarrëveshje mbi migrimin, kufijtë detarë dhe kërkimin e mineraleve në Mesdheun lindor.

Pas postimeve të Erdogan në greqisht, një zëdhënës i qeverisë në Athinë ka shkruar në Twitter se “Greqishtja njihet si gjuha e arsyes, lirisë dhe drejtësisë”.

Ish-kryeministri grek Alexis Tsipras i është përgjigjur Erdoganit në turqisht, i cili ka shkruar se Greqia do të mbrojë sovranitetin e saj kundër të gjitha llojeve të kërcënimeve dhe duhet t’i japin fund provokimeve dhe duhet t’i kthehen dialogut në bazë të së drejtës ndërkombëtare.

LEXONI GJITHASHTU

• Tensionet Turqi-Greqi për Egjeun, Mitsotakis: Do të mbrohemi nëse lind nevoja
• Avionët F-16 përshkallëzojnë konfliktin Turqi-Greqi
• Marrëdhëniet Turqi-Greqi, takimi Erdogan-Mitsotakis në Nju-Jork