“Turqia ka stok banesash të vjetra”- Inxhinieri shpjegon shembjen e ndërtesave

Inxhinieri i ndërtimit, Markel Baballëku tregoi në një intervistë për Euronews Albania se Turqia, aty ku mëngjesin e të hënës goditi një tërmet tragjik, ka stok banesash të vjetra.

“Të dy tërmetet janë të frikshëm në aspektin e magnitudës, qoftë për vende si Turqia, nisur nga stoku i banimit, sepse normalisht harta e re në Turqi i mbart dhe i ka mirë parasysh këto forca sizmike, por të mos harrojmë që ndërtimet i përkasin një periudhe më të hershme dhe normalisht në shumicën dërrmuese të rasteve, tërmete të tilla shkaktojnë të tilla pasoja,” – u shpreh Baballëku.

Një tërmet tragjik goditi Turqinë mëngjesin e së hënës duke shkaktuar mbi 2700 viktima dhe mijëra të plagosur.

Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave po punojnë për nxjerrjen e personave që ndodhen nën rrënoja dhe që mendohet të shkojnë në disa qindra.

LEXONI GJITHASHTU:

• Shkon në 2500 numri i viktimave nga tërmeti në Turqi
• Nga Azia në Amerikën Latine, cilat janë vendet më të rrezikuara nga tërmetet