Twitter do paguajë 150 mln dollarë gjobë për shkelje të privatësisë

Twitter do paguajë 150 milionë dollarë gjobë për keqpërdorim të të dhënave private të përdoruesve të këtij rrjeti social, shkruan Reuters.

Kompania ka rënë dakord për të paguar shumën për shkelejet të dhënave, si numrat e telefonave dhe email-et, për periudhën midis majit 2013 dhe shtatorit 2019, sipas dokumenteve të gjykatë.

Kompania do të paguajë 150 milionë dollarë si pjesë e marrëveshjes së shpallur nga Departamenti i Drejtësisë dhe Komisioni Federal i Tregtisë (FTC). Përveç shlyerjes monetare, marrëveshja kërkon që Tëitter të përmirësojë praktikat e pajtueshmërisë.

“Twitter mori të dhëna nga përdoruesit me pretekstin e shfrytëzimit të tyre për qëllime sigurie, por më pas përfundoi duke i përdorur të dhënat për të synuar marrjen e  reklamave të reja”, tha zyrtarja Lina Khan në një deklaratë.

Zyrtarët amerikanë theksuan se nga 3.4 miliardë dollarë të ardhura që Twitter fitoi në vitin 2019, rreth 3 miliardë dollarë ishin nga reklamat.

Twitter është një shërbim falas që fiton para kryesisht përmes reklamave. Miliarderi Elon Musk, i cili po blen shërbimin për 44 miliardë dollarë, ka kritikuar modelin e tij të biznesit të drejtuar nga reklamat dhe është zotuar të diversifikojë burimet e tij të të ardhurave.

LEXONI GJITHASHTU:

• Musk pezullon blerjen e Twitter, shkak profilet e rreme
• Twitter konfirmon largimin e dy menaxherëve kryesorë, shkak Elon Musk