Tym e flakë në Kuvend, Salianji: Do përshkallëzojmë aksionin në Parlament

Pas flakadanëve që hodhi në Kuvend, ndërkohë që kishin kaluar për votim projekt-ligjet, Ervin Salianji ka bërë një deklaratë para Parlamentit, pas mbylljes së seancës.

Në fjalën e tij ai theksoi se PS nuk respekton asnjë normë, duke shtuar se kërkojnë komisione hetimore dhe komisionin për reformën zgjedhore.

Ai nënvizoi se do të përshkallëzojnë aksionin e tyre parlamentar deri në momentin që do u zbatohen kërkesat.

“PS nxiton duke mos respektuar asnjë normë. Sot kishim kërkuar të zhvillohej mbledhja e Grupit parlamentar të PD-së brenda sallës së seancës plenare.PS kishte vendosur të linte gardën në çdo karrige ministri dhe deputetëve. Vendosëm që karriget të shkonin aty ku duhet. Ne kërkojmë tre kushte dhe gjithçka tjetër është pjesë e propagandës së PS. Kërkojmë komisione hetimore që të kontrollojmë ku shkojnë paratë e shqiptarëve. Kërkojmë në Komisionin e Reformës Zgjedhore të mos vendoset Edi Rama tjetër. Derisa ne të arrijmë realizimin e kërkesave tona kushtetuese, do të bëjmë gjithçka, do përshkallëzojmë aksionin parlamentar dhe çdo aksion tjetër”-tha ai.

LEXONI GJITHASHTU: 

• Mbyllet seanca mes tymit e karrigeve të përmbysura, mazhoranca miraton projektligjet
• Mjeku androlog: Viagra po merret edhe në internet, pa recetë fare