Tymuese në Parlament, Tabaku: Secili ka të drejtën e vet si e shpreh revoltën

Deputetja e Partisë Demokratike, Jorida Tabaku, në një deklaratë për gazetarë jashtë sallës së Parlamentit, tha se bllokimi i komisioneve hetimore nga mazhoranca është një shkelje e të drejtave të opozitës.

Tabaku solli në vëmendje progres-raportin e KE për Shqipërinë që sipas saj i jep të drejtë opozitën për shqetësimin për komisionet.

“Fokusi sot duhet të jetë që përveç diskutimeve në Parlament, duhet të jetë edhe një reflektim për projekt-raportin e BE. Ka një vit që qeveria shqiptare nuk ka ndërmarrë asnjë reformë. Reforma e fundit është ajo e drejtësisë në 2016. Progres raporti na dha të drejtë. E drejta kushtetuese e opozitës nuk duhet në mënyrë absolute të shkelet me këmbë”, tha Tabaku.

E pyetur lidhur me mënyrën si po reagon opozita në Parlament dhe a e mbështet ajo këtë rrugë, Tabaku u shpreh se kjo është një mënyrë për të shprehur revoltën.

“Besoj se progres-raporti na dha të drejtë që shqetësimi për komisionet hetimore është e drejtë e opozitës, secili ka të drejtën e vet si e shpreh revoltën, grupi parlamentar ka menduar kështu”,  u shpreh Tabaku.

LEXONI GJITHASHTU:

• “Kreu i grupit parlamentar është Bardhi”, Tabaku flet për përplasjet në PD
• Tymuese në Kuvend| Balla paralajmëron deputetët e opozitës: Keni shkelur ligjin