U akuzua për falsifikim të dokumenteve/ GJKKO lë në fuqi vendimin e shkallës së parë për Suela Zhegun

Gjykata e Posaçme e Apelit ka lënë në fuqi vendimin e shkallës së parë për mos-fillim të procedimit penal ndaj komisioners së Komisionit të Pavarur të Kualifikimit, Suela Zhegu. Prokuroria e Posaçme kishte vendosur që të mos fillonte procedimin penal me argumentin se nuk ka elementë të veprës penale.

Anëtarja e KPK-së u kallëzua në SPAK nga ish-gjyqtari i Apelit, Alaudin Malaj, i cili e akuzonte Zhegun për falsifikim të dokumenteve dhe kërkonte që të pezullohej nga detyra.

Malaj i kërkoi SPAK që të hetojë Suela Zhegun pasi kjo e fundit është paditur nga të afërmit e saj për mashtrim dhe përvetësim të pasurive që nuk i përkasin asaj.

Sipas gjyqtarit Alaudin Malaj, edhe bashkëshorti i anëtares së Vettingut është hetuar dhe dënuar disa herë, mes tyre dhe ndalime për “Mosbindje të urdhrit ndaj punonjësit të Policisë”, për të cilat kanë nisur hetime në Tiranë dhe Durrës