U arrestua pas 12 orësh në ngujim, Erzen Uka mjekon plagën në spitalin e Shkodrës

Një nga dy të arrestuarit e operacionit të RENEA-s në Orosh, Erzen Uka është paraqitur mëngjesin e kësaj të mërkure në urgjencën e Spitalit Rajonal të Shkodrës për mjekimin e një plage në këmbë.

Pas vetëdorëzimit, autoritetet konstatuan se Uka ishte i plagosur dhe nën masa të rrepta sigurie ai u shoqërua drejt spitalit për trajtim mjekësor. Ndërkohë, si Uka, ashtu edhe Julian Çumraku vijojnë të qëndrojnë në paraburgimin e Drejtorisë Vendore të Policisë Shkodër, në pritje të seancës gjyqësore. Deri tani, të dy të arrestuarit nuk kanë dhënë asnjë deklaratë përpara grupit hetimor.

Erzen Uka dhe Julian Cumraku qëndruan të ngujuar për 12 orë në një banesë në fshatin Orosh të Pukës. Sipas policisë gjithçka ka nisur rreth orës 09:00 të së hënës, kur shërbimet e Komisariatit të Policisë Pukë, gjatë kontrollit në fshatin Orosh konstatuan një person i cili u largua me shpejtësi pasi pa efektivët.

Ai larguar duke u futur në një banesë të braktisur në pronësi të gjyshit të Julian Cumrakut. Në banesë u gjet i varur një flamur i ISIS, 4 automatikëve, një pistolete, 17 granata dore difensive, municion luftarak, kapsolla detonatore elektrike për shpërthimin e lëndëve eksplozive, fitil zjarrpërcjellës dhe dy gëzhoja.

Uka rezulton i dënuar për veprën penale “Nxitja e urrejtjes dhe grindjeve”. Ai ka qenë një ish-pjesëtar i forcave paqeruajtëse të Shqipërisë në Irak ku ishte dënuar me tre vite heqje lirie nën akuzën e urrejtjes fetare. Ndërsa Julian Cumraku është i dënuar për veprat penale “Vjedhje” dhe “Kanosje”.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Sot vendoset emri/ Nga shtatë garues kanë mbetur vetë gjashtë për kreun e BKH-së
• Gonzato: Kërkimi parlamentar është i domosdoshëm, themeli i politikbërjes