“U dhunua dhe u godit me thikë”, çfarë thotë policia për vdekjen e Valbon Beqirajt

Policia e Durrësit ka dalë me një deklaratë zyrtare në lidhje me ngjarjen e rëndë në Durrës, ku një 51-vjeçar i identifikuar si Valbon Beqiraj u gjet pa shenja jete, me plagë thike, në një banesë në lagjen nr. 12 të këtij qyteti.

Në njoftimin e Policisë thuhet se më datë 24.09.2025, rreth orës 19:30, është marrë një njoftim se në lagjen nr. 12, Durrës, në banesë, është gjetur pa shenja jete shtetasi Valbon Beqiraj, alias M. B., rreth 51 vjeç.

“Nga ekspertiza paraprake mjekoligjore e kryer nga grupi hetimor, nën drejtimin e Prokurorisë, ka rezultuar se në trupin e 51-vjeçarit kishte shenja dhune dhe plagë të shkaktuara me mjet prerës (thikë), si pasojë e të cilave dyshohet se ky shtetas ka humbur jetën”, thuhet në njoftimin e Policisë.

Në njoftimin e saj, policia thotë se vijon veprimet e thelluara hetimore për zbardhjen e ngjarjes, me qëllim zbardhjen dhe dokumentimin e saj, identifikimin dhe kapjen e autorit/ve, ndërsa për zhvillime të reja do të ketë njoftime të tjera në lidhje me këtë ngjarje.

LEXONI GJITHASHTU:

• EMRI/ Detaje të reja nga vrasja në Durrës, nipi zbuloi viktimën
• Vrasje në Durrës/ Viktima u qëllua me thikë, në kërkim autori