“U diagnostikua me kancer gjiri, bashkëshorti e braktisi”, mjekja tregon rastin

Anila Kristo Pema, mjeke onkologe ishte këtë të diel e ftuar në emisionin “Review” në Euronews Albania për të folur për betejën me kancerin e gjirit.

Ajo tha se në këto raste qëndrimi afër i familjarëve të jep më shumë forcë për të përballuar betejën, megjithatë ka raste ku pacienti e gjen më tepër forcën te vetja, i tillë ishte rasti i një vajzë të re, për të cilën mjekja tha se edhe pse e braktisi bashkëshorti, ajo ia doli ta fitojë “betejën” me kancerin e gjirit dhe gjeti forcën për të jetuar një jetë më të mirë.

“Dua t’iu tregoj rastin e një vajze të re të cilën në momentin e diagnozës e la bashkëshorti. Ajo i vazhdoi mjekimet, madje në një moment i bëri analizat me emër tjetër, pasi kishte frikë se në momentin që bashkëshorti e merrte vesh që ajo ishte me kancer në gji mund t’i kërkonte fëmijën.

Ajo i ka mbaruar mjekimet, po bën 6-7 vjet. Është bërë edhe zysh, por ishte shumë e vështirë”,-tha mjekja.

LEXONI GJITHASHTU:

• Gruaja dhe 4 fëmijët iu vranë në Gaza, fotoreporteri: Do doja të kisha vdekur me ta
• Partia Popullore Republikane turke ka zgjedhur liderin e ri pas humbjes në maj