Policia e Kolonjës ka reaguar në lidhje me gjetjen pa shenja jete të 48-vjeçares Mimoza Kristo, e cila kishte humbur kontaktet me familjarët 4 ditë më parë.

Përmes një njoftimi zyrtar policia bën me dije se gruaja e cila vuante nga probleme të shëndetit mendor, është gjetur e pajetë, në zonën midis fshatrave Podë dhe Gozhdarazhdë.

Sipas uniformave blu nga këqyrja paraprake e trupit të viktimës nuk janë konstatuar dëmtime fizike.

Ende nuk dihen shkaqet e vdekjes se 48-vjeçares, ndërkohë që pritet ekspertiza mjeko-ligjore për të hedhur më shumë dritë mbi ngjarjen.

Ka qenë vëllai i saj, ai i cili ka deklaruar humbjen e kontakteve me viktimën në datën 20 Prill, dita kur Mimoza Kristo ishte larguar nga banesa.

Grupi hetimor dhe policia po punojnë  për zbardhjen e rrethanave të ngjarjes.

LEXO GJITHASHTU:

• Kishte humbur kontaktet me familjarët, gjendet pa shenja jete 49 vjeçarja
• EMRI| 570 mijë euro ‘dëm’, kush është supermashtruesja e ndaluar në Tiranë
• Zëdhënësi i fushatës së Belerit: Më vendosën çip në makinë, përgjuan vëllanë mekanik