Një 50-vjeçar, shofer furgoni, është arrestuar në Gjirokastër pasi është kapur duke transportuar mallra të ndryshme të kontrabanduara. Policia ka bërë me dije se në pranga ka rënë edhe doganieri i identifikuar si Th.K.

“Shtetasi F. G. u arrestua pasi është kapur në flagrancë nga shërbimet e Policisë, në aksin rrugor Kakavijë-Gjirokastër, duke drejtuar automjetin tip furgon, brenda të cilit u gjetën dhe u sekuestruan mallra të ndryshme ushqimore dhe industriale, medikamente mjekësore dhe një sasi nafte pa dokumentacionin përkatës.

Nga veprimet hetimore rezultoi se shtetasi F. G. i kishte kaluar këto mallra nëpërmjet Pikës Doganore Kakavijë pa kryer veprimet përkatëse.”- njofton policia.

Mësohet se janë sekuestruar automjeti, mallrat e kontrabanduara, 3350 euro dhe 3 aparate celularë.

Materialet i kaluan Prokurorisë pranë Gjykatës së Shkallës së Parë Gjirokastër, për veprat penale “Kontrabanda me mallra për të cilët akcizë ose me pezullim të plotë apo të pjesshëm nga detyrimet doganore ose të akcizës”, “Kontrabanda me mallra të tjera” dhe “Shpërdorim i detyrës”.

LEXONI GJITHASHTU: 

• Faj i mamive apo i sanitareve që trupi i foshnjes u fut në lavatriçe me çarçafët?
• Në makinën e tij u kapën 85 kg kanabis, arrestohet 26-vjeçari në Fier
• Disa qytete në SHBA shpallin gjendjen e jashtzakonshme për shkak të stuhisë