Gazetari Lavdrim Lita zbuloi detaje nga arrsestimi në Belgjikë i Leonard Dukës, rivalit të përbetuar të Ervis Martinaj.

I ftuar në emisionin Review në Euronews Albania, Lita tha se Duka është arrestuar nga policia belge në kuadër të një plani për të shkatërruar bandit e huaja që operonin në vend.

Sipas tij, vendodhja e Dukës është zbuluar nga thyerja e aplikacionit Sky dhe Encrochat ku ai komunikonte.

“Martinaj dhe Duka kanë njohje të mëparshme, kanë pasur miqësi dhe kanë qenë partner në biznes. Duka është kapur në kuadër të një operacioni të policisë belge për të shpartalluar grupet kriminale të huaja në territorin e Belgjikës, të zbuluar përmes depërtimit në aplikacionet Sky dhe Encrochat. Leonard Dukën e kanë zbuluar përmes këtij aplikacioni se ku ka qenë. Ata kanë zbuluar dhjetëra banda në territorin e tyre. Aplikacionet janë depërtuar nga shërbimet inteligjente franceze dhe nga xhandarmëria franceze, të cilët aty kanë zbuluar atë që ka dëshmuar Dumani, që këto aplikacioe i kanë përdorur grupet shqiptare për të kryer vrasje me pagesë”, tha Lita.

LEXONI GJITHASHTU

• Lita: SPAK do ta nxjerrë nga strofulla Vis Martinajn! Me heqjen e pasurisë familja…
• Paralajmërimi i avokatit: Dosja për Ervis Martinajn do të sfumohet
• Gazetari: Vrasja për të cilën akuzohet dhe do të dënohet Ervis Martinaj