U kapën duke vjedhur lokalin, 3 të arrestuarit bashkëpunëtorë në 8 vjedhje të tjera

Tre persona janë kapur në flagrancë në saj të operacionit “Lagjet” ndërsa tentuan të vidhnin para në një lokal në Berat.

Sipas policisë tre të arrestuarit dyshohet se kanë bashkëpunuar edhe në 8 vjedhje të tjera të bëra në banesa të ndryshme në Berat gjatë dy muajve të fundit.

Të arrestuarve E. E., 32 vjeç, F. C, 30 vjeç dhe R. L., 22 vjeç, të tre banues në Berat, u janë sekuestruar disa nga sendet e vjedhura dhe tre celularë, ndërsa policia tha se po vijon hetimet.

Njoftimi i policisë

Specialistët e Seksionit për Hetimin e Krimeve të Komisariatit të Policisë Berat, si rezultat i punës hetimore dhe operacionale, të kryer në bazë të denoncimeve të marra nga qytetarët, për disa raste vjedhjesh, në lagje të ndryshme të qytetit të Beratit, kanë organizuar dhe finalizuar operacionin policor të koduar “Lagjet”, si rezultat i të cilit u vunë në pranga shtetasit:

-E. E., 32 vjeç, F. C, 30 vjeç dhe R. L., 22 vjeç, të tre banues në Berat.

Këta shtetas u kapën në flagrancë, mbrëmjen e djeshmje, teksa ishin duke vjedhur para dhe produkte, në një lokal në lagjen “30-vjetori”.

Gjithashtu, nga veprimet hetimore të kryera në kuadër të operacionit “Lagjet”, dyshohet se këta 3 shtetas, në bashkëpunim me njëri-tjetrit, janë autorë të 8 vjedhjeve të tjera të pajisjeve dhe sendeve të ndryshme, të kryera gjatë 2 muajve të fundit, në disa banesa në qytetin e Beratit.

Në cilësinë e provës materiale u sekuestruan disa nga sendet e vjedhura dhe 3 celularë.

Vijojnë veprimet hetimore për zbardhjen dhe dokumentimin e vjedhjeve të tjera që mund të jenë kryer nga shtetasit E. E., F. C., dhe R. L.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Dosja Ahmetaj: 34 mijë € pagesa, lista e hoteleve që u paguan për ish-ministrin
• “Ahmetaj, përfitime nga inceneratorët”, Tabaku: I dorëzova SPAK 20 CD me prova