U konfliktua me një person në rrugën “Vaso Pasha”, ndërron jetë 46-vjeçari në Tiranë

Ka ndërruar jetë në spital një 46-vjeçar i cili u kunfliktua me një tjetër shtetas në kryeqytet më datë 31 mars.

41-vjeçari nuk mundi t’i mbijetonte plagëve të marra dhe ka ndërruar jetë 6 ditë pas zënkës në rrugën “Vaso Pasha” në kryeqytet.

Viktima, pas një konflikti, u qëllua me sende të forta nga një 25-vjeçar, i cili tashmë është shpallur në kërkim.

Po vijon puna për kapjen e 25-vjeçarit, ndërkohë që është proceduar penalisht dhe një 41-vjeçar.

Materialet në ngarkim të tyre janë dorëzuar në prokurorinë e Tiranës për veprime të mëtejshme.

“Specialistët për Hetimin e Krimeve të Komisariatit të Policisë Nr. 2 kanë referuar materialet në Prokurori, për shtetasin A. Gj., 41 vjeç, dhe kanë shpallur në kërkim shtetasin H. Gj., 25 vjeç, të dy banues në Tiranë. Më datë 31.03.2023, në rrugën “Vaso Pasha”, shtetasi H. Gj. është konfliktuar me shtetasin G. T., 46 vjeç, i cili për shkak të dëmtimeve është dërguar në spital, për ndihmë mjekësore. Gjatë këtij konflikti, ka ndërhyrë edhe shtetasi A. Gj., i cili ka goditur shtetasin H. Gj. Si pasojë e dëmtimeve, 46-vjeçari ka ndërruar jetë në spital, ditën e djeshme. Vijon puna për kapjen e shtetasit H. Gj”, thuhet në njoftimin e policisë.

LEXO GJITHASHTU:

• Pazare me varret në Durrës, arrestohet tekniku i zbatimit të NSHK
• SPAK hetime të thelluara për 324 kg e kokainës në Durrës, arrestohen 4 persona
• Gjendet e vdekur me plumb në kokë gruaja, letra fundos të birin. Shpallet në kërkim