U kualifikua për Lojërat Olimpike 2024, Luiza Gega flet për Euronews Albania

Sportistja Luiza Gega ishte këtë të martë e ftuar në një intervistë për Euronews Albania për të folur për suksesin e saj të fundit.

Ajo u bë sportistja e parë e cila u kualifikuar për Lojërat Olimpike 2024, ndaj tha se për këtë është shumë e lumtur dhe do përpiqet që të jap maksimumin e saj.

“Kampionati ballkanik për një vend si ky i yni është shumë i rëndësishëm. Kjo ishte gara ime kryesore për të realizuar kohën e vendosur nga Federata Botërore e Atletikës, ndërsa dy garat e tjera i bëra thjesht garë taktike për të fituar medalje, duke qenë se kampionati Ballkanik tashmë ka shpërblim nga Ministria e Arsimit dhe e Sportit e ky është një tjetër motivim”,-tha Gega.

E pyetur se çdo të thotë ky kualifikim për të Luiza Gega tha se ajo është shumë e lumtur që arriti t’i sjellë Shqipërisë medalje.

“Kualifikimi do të thotë shumë. Mesa di jam sportistja e parë e kualifikuar nga Shqipëria për lojërat olimpike 2024, sigurisht kjo është emocionuese pasi jam e vetmja që arrita të sjellë medalje”.

Kampionia Luiza Gega foli gjithashtu për synimet e saj ku tha se fokusi kryesor është Kampionati Botëror ku synon të sjellë një rekord të ri.

“Ne këtë vit kemi kampionatin botëror në Hungari, në Budapest. Sigurisht ai është aktiviteti më i rëndësishëm i këtij viti për mua. Po mundohem fort që të sjellë formën time maksimale, për të realizuar një rekord të ri kombëtar në këtë garë e pse jo një pozicion më të mirë se ai që patëm vjet”,-tha Luiza Gega.

LEXONI GJITHASHTU:

• “E lumtur dhe krenare”, Luiza Gega flet pas suksesit në Europianin e Atletikës
• Luiza Gega hyn në histori, shpallet kampione evropiane në garën për 3 mijë metra