U përfshi në vrasjen e Fatbardh Licit, lihet në burg ish e dashura e Safet Bajrit

Apeli i GJKKO-së ka lënë në fuqi masën e ‘arrestit me burg’ për Eria Agon, e dashura e Safet Bajrit, e cila akuzohet si e përfshirë në vrasjen e Fatbardh Licit, krim i ndodhur në vitin 2008.

Eria Ago kishte ankimuar vendimin e GJKKO-së që ka caktuar masën e sigurisë “arrest me burg” ndaj saj. Por togat e zeza të Apelit të Gjykatës së Posaçme e rrëzuan kërkesën e saj, duke lënë në fuqi vendimin e shkallës së parë.

Lidhur me vrasjen e Fatbardh Licit, u arrestua më 21 Shkurt Safet Bajri. Ndërsa 5 ditë pas tij u prangos edhe Eria Ago, e cila dyshohet se drejtoi një prej makinave të përdorura në atentatin e bujshëm.

Sipas dosjes hetimore të SPAK, dyshohet se pas vrasjes së Fatbardh Licit, Eria Ago ka marrë me makinë dhe ka sjellë në Tiranë, Astmer Bilalin, ndërsa Safet Bajri ka qëndruar në Shkodër.

LEXONI GJITHASHTU:

• Vota për diasporën, Celibashi: Nisja e zarfeve pritet të bëhet brenda datës 17 prill
• “Akuza qesharake”- Bardh Spahia pas daljes nga GJKKO: S’pranova gjykimin e shkurtuar