U përjashtuan nga seanca, deputetët e PD-së ankimojnë vendimin

Deputetët e Partisë Demokratike kanë depozituar ankimim pranë Byrosë së Kuvendit të Shqipërisë në lidhje me vendimin për përjashtimin e 6 deputetëve të PD i cili u mor në kundërshtim me Rregulloren.

Ata kërkojnë që kryetarja e Kuevendit Lindita Nikolla, të marrë të gjitha masat e duhura për respektimin e të drejtave të deputetëve dhe mos pengimin e tyre në seancat e komisioneve parlamentare si dhe në seancën plenare, përfshirë nga Shërbimet e Sigurisë së Kuvendit.

“Deputetët e opozitës, kanë qenë në kërkim të të drejtave të tyre procedurale, të përcaktuara në Rregulloren e Kuvendit, që janë shkelur e penguar në mënyrë vazhdueshme e të përsëritur ne të gjitha seancat e fundit plenare nga organet drejtuese të Kuvendit.

Përdorimi i masave ekstreme disiplinore në grup, në mënyrë të vazhdueshme e joproporcionale, është bërë qëllimisht për të ndikuar në aftësitë e opozitës për të ushtruar të drejtat kushtetuese të saj në seancë plenare komisione.

Përsa më sipër, vendimi Nr. 39, datë 21.02.2023 i Sekretariatit për Procedurat, Votimet dhe Etikën është një akt antikushtetues, antiligjor; është një goditje e rëndë për parlamentarizmin në Shqipëri.

Ndaj, bazuar në Nenet 65/3, 65/4 e vijues të Rregullores së Kuvendit, nga Byroja e Kuvendit, kërkohet shfuqizimi i menjëhershëm i tij.

Neni 65/3, pika 4 i Rregullores së Kuvendit përcakton: “Me paraqitjen e ankimit… vendimi i Sekretariatit për Procedurat, Votimet dhe Etikën pezullohet deri në marrjen e vendimit nga Byroja e Kuvendit”.

Kryetarja e Kuvendit, në zbatim të Nenit 76/1 të Kushtetutës së Shqipërisë, Nenit 7/1 dhe 7/2, Nenit 65/3 të Rregullores së Kuvendit, të marrë të gjitha masat e duhura për respektimin e të drejtave të deputetëve dhe mos pengimin e tyre në seancat e komisioneve parlamentare si dhe në seancën plenare, përfshirë nga Shërbimet e Sigurisë së Kuvendit (Garda e Republikës së Shqipërisë.)- thuhet në ankim.

LEXONI GJITHASHTU: 

• Qarkullonte me armë zjarri me vete, në pranga 18-vjeçari në Lezhë
• Pamje të rënda nga Brazili: Burri humbet në bilardo, vret 7 personat që u tallën