Një i mitur që u përplas nga një automjet në aksin Klos-Burrel mbrëmjen e së enjtesm ka ndërruar jetë disa orë më vonë në spitalin e Traumës.

Policia tha se shtetasi L.D., 52 vjeç, duke drejtuar automjetin tip furgon, ka humbur kontrollin mbi drejtimin e automjetit dhe për pasojë automjeti ka dalë nga rruga duke aksidentuar 4-vjeçarin.

I mituri u transportua në spitalin e Traumës për ndihmë mjekësore por nuk mundi t’i mbijetonte plagëve të marra.

Drejtuesi i automjetit është shoqëruar në Komisariat për veprime të mëtejshme, ndërsa grupi hetimor po punon  për zbardhjen e shkaqeve dhe rrethanave të aksidentit.