“U shkel Kushtetuta e Kosovës” Diplomati: Zgjedhjet në Veri dështim, ndikimi i Vuçiç

Diplomati Blerim Canaj në një intervistë për Euronews Albania, ka komentuar referendumin e mbajtur të dielën në veri të Kosovës, për largimin nga detyra të katër kryetarëve të komunave me shumicë serbe.

Ai theksoi se dështimi ishte i pritur, duke shtuar se Lista Serbe ka ende ndikim.

Mes tjerash Canaj tha se nëse ky ditën e djeshme u zhvillua referendum, ligjet e Kosovës dhe Kushtetuta e saj nuk njohin atë.

“Është pritur ky dështim. Kjo për Kosovën do të thotë se Lista Sërpska e ka ende ndikimin e saj. Kjo flet  dhe për sovranitetin e shtrirë të propaganduar nga qeveria Kurti, për shkak se zgjedhjet u mbajtën në disa baraka të improvizuara dhe jo nëpër shkolla sikur janë mbajtur gjithmonë. Duke pasur parasysh që lista Sërpska është dorë e zgjatur e Vuçiç në Kosovë automatikisht e shohim ndikimin e Vuçiç në këtë kontekst.

Natyrisht që ne do të vazhdojmë dhe më tutje më këtë status quo që e kemi në Veri, së paku dhe për një vit për shkak se vetëm pas një viti duhet të mbahen ato zgjedhje. Se a do të ketë pastaj kredon Kurti dhe qeveria që të flasin për kushtuetshmërinë  dhe mbrojtjen e saj është pikëpyetje. Nëse ky ishte një referendum, ligjet e Kosovës dhe Kushtetuta e saj nuk njeh referendum. Tani do ballafaqohemi me kërkesat e bashkësisë ndërkombëtare për dorëheqje të kryetarëve të komunave. Nëse ata vazhdojnë të qëndrojnë në krye të komunave, prapë është një shkelje kushtetuese”-tha ai.

LEXONI GJITHASHTU:

• “Policia e Kosovës e gatshme”, Elshani: Do jemi këtu derisa kutitë të transportohen
• “Sovraniteti i Kosovës nuk diskutohet”, Sinani komenton zhvillimet e fundit në Veri