“U shokova”- Qyetarët të ndarë për sigurinë e urbanëve: Aksident si gjithë të tjerët

Kamera e Euronews Albania ishte këtë të martë brenda autobusëve urbanë në Tiranë, për të përcjellë përjetimet e qyetarëve në lidhje me aksidentin e shumfishtë ditën e djeshme.

Qytetarët ishin të ndarë në opinionet e tyre të dhëna në lidhje me sigurinë e urbanëve në kryeqytet.

Kishte nga ata që e konisedronin ngjarjen si shokuese dhe tepër të rëndë për sigurinë e qytetarëve.

“Është turp, është gabim! Çfarë të thuash të shokuar nga ajo që ndodhi. Është më mirë se çfarë ka qenë, ka ndryshuar diçka për mirë. Por ka akoma punë për t’u bërë, rrugët janë këto që janë”, tha një burrë.

Por kishte dhe të tjerë të cilët e konisederonin thjesht si një aksident dhe hutim të shoferit.

“Aksident si gjithë aksidentet e tjera. Një hutim i shoferit dhe ndodhi. Siguria nuk varet nga ne. Nuk e frekuentojmë çdo ditë. Është aksident, s’ke çfarë i bën. Ne nuk e përdorim fare autobusin, vetëm kur shkojmë diku”, tha pensionisti.

Ndërkohë një vajzë e re u shpreh: “Nuk udhëtoj shpesh me urban, sa herë kam udhëtuar kam qenë e sigurt”.

LEXONI GJITHASHTU

• Shkaktoi aksidentin në Tiranë, arrestohet drejtuesi i urbanit
• Pamjet e aksidentit të rëndë në Tiranë, momenti kur urbani përplaset me Porsche-n
• “Autobusi ishte shpejt”- Shoferi rrëfen dinamikën e aksidentit në Tiranë