‘U thirra për një hetim’, Fatmir Mediu flet pas marrjes në pyetje nga SPAK

Ish-ministri i Mbrojtjes, Fatmir Mediu ka dhënë një pronocim të shkurtër për mediat, pasi qëndroi për rreth dy orë në zyrat e Strukturës së Posaçme.

Ai bëri të ditur se ishte thirrur në cilësinë e deklaruesit për një hetim në interes të SPAKU-t.

“U ftova për të dhënë një dëshmi si person që kam dijeni për një hetim që është interesi i SPAK, do ruaj konfidencën e dëshmisë. Jam thirrur si deklarues’. Çfarë lidhje ka shpërdorimi i detyrës me se me çfarë cilësie je ftuar?”, tha ish-ministri.

Mediu është thirrur si deklarues për hetimin që ka nisur për privatizimin e ish-kompleksit “Partizani”, privatizim i kryer në kohën kur ai ishte ministër.

Ai është personi i dytë që po pyetet pas Taulant Ballës, i cili u thirr disa javë më parë nga SPAK.

Kallëzimi për aferën e privatizimit të ish-kompleksit “Partizani” ku është ndërtuar një kompleksh pallatesh, është bërë nga kryetari i Grupit Parlamentar të Partisë Socialiste, Taulant Balla.

Nëpërmjet kësaj padie, Balla akuzon për shpërdorim detyre ish-kryeministrin Berisha, dhëndrin e Jamarbër Malltezi dhe ish-ministrin Arben Imami.

Klubi sportiv “Partizani” ka qenë një ndër komplekset në pronësi të Ministrisë së Mbrojtjes, ku sot janë bërë ndërtime të reja.

LEXONI GJITHASHTU

• Ish-ministri i Mbrojtjes, Fatmir Mediu thirret si deklarues në SPAK
• Gjykata Kushtetuese rrëzon kërkesën e Fatmir Mediut për ‘Gërdecin’
• SPAK të hetojë 21 Janarin dhe Gërdecin, thotë Rama