“U zhgënjyem nga zgjedhjet në Serbi”, Von Cramon: U shkelën të gjitha standardet

Raportuesja e PE, Viola Von Cramon e cila ishte vëzhguese gjatë zgjedhjeve në Serbi tha në një lidhje direkte për Euronews Albania se mënyra se si u zhvilluan votimet në Serbi ishte shqetësuese.

Ajo tha se janë shkelur të gjitha standardet e zgjedhjeve. Von Cramon u shpreh se ishte e zhgënjyer nga zhvillimi i zgjedhjeve, pasi Bashkimi Europian, do të bashkëpunojë me Serbinë që ajo të anëtarësohet.

“Nuk ka të bëjë vetëm me Bashkimin Europian por me shkeljen e të gjitha standardëve ndërkombëtare të zgjedhjeve. Ajo që ne kërkojmë është të respektohet sundimi i rendit dhe ligjit dhe i gjithë standardeve, kur bëhet fjalë për pavarësinë e mediave apo i politikës dhe i kandidatëve.

Pra kjo nuk është e pranueshme, përkundrazi është e papranueshme për një vend që synon hapjen e një kapitulli të ri në procesin e integrimit. Duke parë për më tepër edhe qasjen e Serbisë kundrejt Rusisë për shkak të luftës në Ukrainë.

BE-ja do të ishte e lumtur të anëtarësonte Serbinë. Ne e dimë që Serbia është një vend i madh dhe do të donim të bashkëpunonim me të. Kjo është arsyeja se përse shumë nga ne vëzhguesit jemi të zhgënjyer nga zhvillim i zgjedhjeve”,-tha ajo.

LEXONI GJITHASHTU:

• “Retorika politike, asnjë ndikim në SPAK”- Dumani: Pse kërkojnë kohë disa çështje
• Zgjedhjet në Serbi: 21.3 për qind e qytetarëve votuan deri në orën 12:00