Eksperti i çështjeve ndërkombëtare, Geron Kamberi, ishte këtë të mërkurë i ftuar në një intervistë për Euronews Albania ku foli për vizitën e presidentit të Ukrainës në Shqipëri.

Ai tha se ndonëse është një temë shumë e diskutuar mes shqiptarëve çështja se përse Ukraina nuk e njeh Kosovën, kjo çështje do vazhdojë të jetë e pamundur deri në një situatë pos-konfliktuale.

“Në këto kushte Ukraina e ka të pamundur të njohë Kosovën edhe për shkak të situatës së konfliktit. Shqipëria së bashku me Kosovën po bëjnë një investim paraprak në mbështetjen që po i japin Ukrainës, që kur të jetë qartësuar pjesa e konfliktit, mbështetja e dhënë mund të shndërrohet në një njohje të mundshme e Ukrainës për Kosovën.

Njohja lidhet me faktorë se ju e dini që në jug dhe në lindje të Ukrainës ka minoritete të tëra rusisht folëse që kanë kaluar në situatën e rajoneve gjysme autonome, ndërkohë që Krimea është shkëputur nga Ukraina. Mjaft nga vendet që nuk e njohin Kosovën, janë nisur nga probleme të tilla të brendshme. Megjithatë Ukraina mund ta shikojë këtë në një situatë post konfliktuale”,-tha Geron Kamberi.

LEXONI GJITHASHTU:

• Shtyhet vendimi për Fredi Belerin, çfarë ndodhi gjatë seancës në GJKKO
• Gjermania mirëpret ministrat e Jashtëm të Azerbajxhanit dhe Armenisë