Ukraina mposht Skocinë në ndeshjen kualifikuese të Kupës së Botës

Ukraina ka mposhtur Skocinë me rezultatin 3-1 në ndeshjen kualifikuese të Kupës së Botës.

Skuadrës tani i duhet një fitore tjetër për të siguruar vendin e saj në Katar, pas një play-off-i emocionues në Glasgow.

Ukraina dominoi pjesën më të madhe të ndeshjes. Kapiteni veteran Andriy Yarmolenko shënoi golin e parë në minutën e 33-të dhe më pas ndihmoi në goditjen me kokë të Roman Yaremchuk në të 49-ën duke e çuar rezultatin në 2-0.

3 mijë tifozë ukrainas ishin në mesin e 51 mijë tifozëve në stadiumin Hampden Park në Glasgow, Skoci.

Ata duartrokisnin, ndërsa Dovbyk udhëhoqi shokët e skuadrës drejt cepit të stadiumit për të festuar fitoren e tyre.

Tifozët ukrainas janë mirëpritur shumë mirë nga Skocezët të cilët kënduan së bashku me ta himnin kombëtar të Ukrainës.

Trajneri i Ukrainës, Oleksandr Petrakov tha se fitorja ishte për “forcat e armatosura dhe për ata që janë në spitale, ata në Ukrainë që vuajnë çdo ditë”.

Ukraina do të përballet me Uellsin në finalen kualifikuese të dielën.

Fituesi do të shkojë në Katar në nëntor për të luajtur kundër Anglisë, Shteteve të Bashkuara dhe Iranit.

LEXONI GJITHASHTU:

• Legjenda e futbollit Pele i kërkon Putinit të ndalojë luftën në Ukrainë