Ukraina raporton për shkatërrim të raketave ruse në Krime

Ukraina tha të martën se raketa ruse janë shkatërruar gjatë një shpërthimi në Gadishullin e Krimesë.

Ky gadishull ukrainas u aneksua paligjshëm nga Rusia më 2014.

Megjithatë, Kievi mohoi përgjegjësinë për këtë incident “misterioz”, shkruan Radio Evropa e Lirë.

“Një shpërthim në qytetin Dzhankoi në veri të Krimesë së pushtuar përkohësisht shkatërroi raketat ruse Kalibr-NK, teksa ato po transportoheshin përmes trenave”, tha inteligjenca ushtarake ukrainase përmes një njoftimi të publikuar në rrjetet sociale.

Hetuesit rusë më herët kishin deklaruar se sistemet e mbrojtjes ajrore kishin zmbrapsur sulme me dronë në Dzhankoi dhe se pjesët e shkatërruara të dronëve dëmtuan një dyqan dhe një shtëpi, duke lënë të plagosur një person.

LEXONI GJITHASHTU:

• Stoltenberg: Kina duhet të dëgjojë Ukrainën rreth planit për paqe
• Putin viziton Krimenë në përvjetorin e aneksimit