Aktivistja Sevim Arbana tha në “Now me Erla Mëhillin” se deponimi i një banoreje të rezidencës ku jetonte keniania tregon se kishte dëgjuar zhurmë.
“Ishte zhurmë në apartamentin sipër, disa ulërima dhe pastaj një zhurmë e madhë që ra kështu bum dhe unë në mëngjes kam shkuar kam denoncuar, thotë banorja,” – u shpreh Arbana.
Joy Ayoko u shtrua në spitalin e Traumës më datë 14 gusht 2022. Ajo u gjet pa ndjenja, e dhunuar poshtë ballkonit të shtëpisë së saj.
22-vjeçarja i mbijetoi fillimisht plagëve të marra, por një dëmtim në tru e la në gjendje vegjetative. E reja nuk i mbijetoi dot dëmtimeve të marra, duke ndërruar jetë 6 muaj pas ngjarjes së rëndë.
Që nga ajo ditë e deri më sot, ende nuk ka asnjë të dyshuar ndonëse pista e dhunimit vërtetohet edhe nga përgjigjja e Prokurorisë.
LEXONI GJITHASHTU:
- ‘Shishe me alkool dhe abuzimi seksual’, dëshmia e shoqes së 22-vjeçares keniane
- Flori Gjini rrëfen bisedën me të ëmën e kenianes së vrarë në Tiranë
