‘Unë do i bie, do e thyej në mes’, Meta: Ma sillni Ramën në studio

Kryetari i Partisë së Lirisë, Ilir Meta ka kërkuar një përballje televizive për t’u përballur me kryeministrin Edi Rama.

Në emisionin “Now” në Euronews Albania, Meta tha se Ramën mund t’ia sjellin në studio, ku t’i tregonte me fakte dhe argumenta aferat korruptive.

“Ajo çfarë kam thënë është aty dhe mbajeni aty. Unë merrem vërtet me më të fortin. Patjetër që kjo po ndodh dhe do ndodhë. Kjo nuk kishte lidhje që me datë 12 do t’i bie më të fortit, kur i forti është me charterin luksoz aty. Do ta bëni më të fortin? Ma sill më të fortin këtu në studio, i bie këtu në syrin tënd, me fakte, me argumenta”, theksoi ai.

Më 12 nëntor, për rreth 3 orë, Partia Demokratike dhe Partia e Lirisë zhvilluan një protestë para Kryeministrisë.

Në protestë pati 20 folës, ndër to kryedemokrati, Sali Berisha dhe kreu i Partisë së Lirisë, Ilir Meta.

Të dy liderët, hodhën akuza në drejtim të kryeministrit Edi Rama, për shpopullimin e vendit, situatën ekonomike dhe korrupsionin.

LEXONI GJITHASHTU

• Basha i përfshirë me Ramën në Portin e Durrësit? Hajdari: Nuk do surprizohesha
• Rudina Hajdari për 12 nëntorin: Populli i dha mesazh Ramës, nuk ka më popullaritet
• Basha i përgjigjet Berishës pas akuzave për portin e Durrësit