Ushqimet janë të shtrenjta, inflacioni u ul 7,2% në janar

Çmimet e shtrenjta të ushqimeve vazhdojnë të prodhojnë krizë në portofolin e qytetarëve. Ato po e mbajnë inflacionin në nivelin mbi 7%, duke shtuar pasiguritë për rikthimin e shpejtë në normalitet.

Treguesit për një stabilizim të çmimeve janë të ngadaltë, çka mund të zgjasë kthimin në normalitet të tregjeve.

Në muajin janar, inflacioni arriti në 7,2%, me ulje të lehtë në raport me muajin dhjetor, kur treguesi ishte 7,4%.

Inflacioni mbetet i lartë sidomos tek ushqimet, 13,3% më të shtrenjta se janari i kaluar. Ndikimi më i madh në këtë grup vjen nga shtrenjtimi i mishit, qumështit dhe bulmetit.

Edhe grupmallra të tjerë si veshjet, mobilimi, baret, restorantet, hotelet, argëtimi dhe shërbimet e tjera vazhdojnë ta mbajnë nivelin e përgjithshëm të çmimeve mbi inflacionin e shëndetshëm, i cili nuk duhet të jetë mbi 3%.

Nga ana tjetër stabilizimi i çmimit të karburanteve dhe të energjisë elektrike, përtej pasigurive që prodhon kriza e luftës dhe prodhimit të këtyre mallrave jetikë.

LEXONI GJITHASHTU:

• Inflacioni në Itali më i larti që nga viti 1985
• Inflacioni, Meta thirrje qeverisë: Duhen politika më efektive për më të varfërit