Ushtria e UÇK e pati zanafillën në Kroaci? E shpjegon gjenerali i luftës, Çollaku

Gjenerali i luftës, Bekim Çollaku i ftuar në emisionin “Balkan Talks” me Franko Egro në Euronews Albania ka folur lidhur me raportet e sigurisë mes Kosovës dhe Kroacisë. Gjatë fjalës së tij, gjenerali është kthyer pas në kohë ndërsa ka zbuluar se emblema dhe ushtria e UÇK-së pati zanafillën në Zagreb.

“Ju pak e dini por duhet t’iu informoj se në Kroaci faktikisht ka filluar formimi i Ushtrisë së Kosovës në vitin 1991. Në vitin 1991 emri i madh, Fehmi Lladrovci ka qenë zëvendës komandat i brigadës shqiptare, qe u quajt brigada e parë shqiptare ne Republikën e Kroacisë.

Në zonën e Gospiçit, ka funksionuar një njësi tërësisht etnike e pastër shqiptare, e përbërë nga 550 shqiptarë në krye të kësaj brigadës kanë qenë Fehmi dhe Xhevë Lladrovci, dy heronjtë e Kosovës.
De fakto, de juro emblema me shqiponjën e krahë dhe emblema e ushtrisë kroate faktikisht është nisur formimi i kësaj njësie ne Zagreb. Atëherë ka qenë Ramush Tahiraj ministër i mbrojtës dhe më vonë Nik Gjeloshaj dhe natyrisht kjo brigadë është formuar në dijen e presidentit Rugova. Është financuar nga një pjesë nga vetë buxheti, i 3% të asaj kohë”, tha ai.