“Ushtria ishte në gjumë”, eksperti: Inteligjenca izraelite u fut në kurth

Eksperti i sigurisë Bedri Elezi tha në një intervistë për Euronews Albania se dështimi i inteligjencës izraelite në mosparandalimin e sulmit të së shtunës mund të shpjegohet vetëm me dezinformimin e tyre.

Sipas tij, ekziston mundësia që shërbimet izraelite të jenë futur në kurth duke u furnizuar me informacione të pasaktë nga shërbimet palestineze të inteligjencës të infiltruar mes tyre, deri në realizimin e këtij plani.

“Ishte befasi dështimi i sigurisë së Izraelit pasi gjithë opinioni kishte opinionin se Mosad ka të infiltruar brenda Hamasit. Edhe pjesa tjetër që merrej me parandalimin e goditjeve nga ajri. Më shumë se sa Mosad, më e madhe ishte propaganda, se mos të arrijë të parandalohet një organizim kaq i madh, që duhet të ketë marrë një kohë të gjatë. Ajo që mund të them është që shërbimet e inteligjencës palestineze kanë infiltruar njerëz në brendësi të Mosad duke dhënë informacione të gabuara deri në realizmin e këtij plani. E vetmja gjë që mund të pranohet është që shërbimet e Izraelit  janë dezinformuar”, tha eksperti.

LEXONI GJITHASHTU:

• “Iu puthim duart atyre që sulmuan Izraelin”- Deklarata e liderit të Iranit
• OKB kundër bllokadës së Izraelit në Gaza: Ndalohen rrethimet që rrezikojnë civilët