Ushtronte dhunë në familje dhe vidhte monopatina, përfundon në pranga 24-vjeçari

Vihet në pranga një 24-vjeçar në Tiranë. Ky person u arrestua në kuadër të operacionit “Përsëritësi” pasi akuzohet se ka vjedhur 5 monopatina të 5 personave të ndryshëm.

Gjithashtu sipas njoftimit të policisë i riu është dënuar më parë për dhunë në familje. Vijon puna për zbardhjen e vjedhjeve të tjera që mund të jenë kryer nga ky shtetas.

Materialet procedurale i kaluan Prokurorisë, për veprime të mëtejshme.

Njoftimi i policisë:

Shërbimet e Komisariatit të Policisë Nr. 3, në vijim të punës për goditjen e veprimtarisë kriminale në fushën e vjedhjes, bazuar në denoncimet e marra nga qytetarë të ndryshëm, për raste të vjedhjes të monopatinave të tyre, falë dhe inteligjencës policore, kanë organizuar dhe finalizuar operacionin policor të koduar “Përsëritësi”.

Si rezultat i këtij operacioni, u arrestua shtetasi A. B., 24 vjeç, banues në Tiranë.

Nga veprimet hetimore dyshohet se ky shtetas, gjatë muajve të fundit, ka kryer 5 vjedhje në zona të ndryshme të Tiranës, konkretisht:

• – Më datë 28.01.2025, dyshohet se ka vjedhur monopatinën e shtetasit A. M.;
• – Më datë 28.01.2025, dyshohet se ka vjedhur monopatinën e shtetases Xh. G.;
• – Më datë 28.01.2025, dyshohet se ka vjedhur monopatinën e shtetasit E. I.;
• – Më datë 27.01.2025, dyshohet se ka vjedhur monopatinën e shtetasit P. S.;
• – Më datë 24.01.2025, dyshohet se ka vjedhur monopatinën e shtetases E. K.

LEXONI GJITHASHTU:

• I dyshuar për plagosje me dashje, arrestohet në Durrës 28-vjeçari (Emri)
• Man City për “jetë a vdekje”, ndeshjet e fundit në fazën e Ligës në Champions League