Valë raketash mbi Kiev, rusët bombardojnë kryeqytetin në prag të kundërofensivës

Kryeqyteti i Ukrainës, Kievi ra pre e një sulmi ajror rus, i cilësuar nga një zyrtar vendas si “i jashtëzakonshëm” në intensitetin e tij.

Qeveria ukrainase deklaroi se të paktën 18 raketa ishin lokalizuar dhe asgjësuar në ajër nga sistemet mbrojtëse ajrore.

Por pala ruse, që saktësoi se në sulm ishin përdorur edhe dronë, tha se të gjithë objektivat e sulmeve ishin goditur.

Moska ka avancuar fushatën e saj të agresionit ajror në javët e fundit, në prag të asaj që konsiderohet si kundërofensiva ukrainase.

Sirenat e alarmit të bombardimeve ranë rreth orës 2 e 30 të mëngjesit, me orën lokale, dhe pushuan dy orë më vonë, në përfundim të sulmit të tetë që i bëhet kryeqytetit ukrainas këtë muaj.

Një numër i pazakontë shpërthimesh të fuqishme u dëgjuan në qendër të qytetit, teksa autoritetet u thoshin banorëve në mesazhe online se mburoja ajrore ishte aktivizuar.

Kreu i forcave të armatosura ukrainase, gjenerali Valeri Zaluzhny saktësoi se Rusia e kishte sulmuar Kievin nga veri, jugu dhe lindja dhe se kishte përdorur gjithësej 18 raketa të qëlluara nga ajri, deti dhe toka.

LEXONI GJITHASHTU:

• Ukraina rikuperon terren, Kievi njofton avancimin rreth Bakhmutit
• Gjermania përgatit ndihmën e re ushtarake për Kievin, rreth 3 miliardë euro