Vapa shton urgjencat në Elbasan, mbi 200 raste paraqiten për ndihmë në 24 orë

Vala e të nxehtit, që prej javësh ka përfshirë vendin tonë, ka krijuar probleme shëndetësore në Elbasan. Shefi i urgjencës, së spitalit rajonal Elbasan, tregon se cilat janë rastet me të shpeshta këtë periudhe.

“Në kemi raste te shtuara nëpër urgjencë. Me shenja të tilla si status febril, temperatura të larta, mund të vijnë me 40 ose 39.5 që mund të jenë shenja virale, pra stinore. Por gjithashtu ka edhe raste të cilat janë entenoviroza, sidomos në këtë periudhe që njerëzit janë ndoshta të pakujdesshëm ndaj konsumimit të ushqimeve me të cilat duhet të kenë shumë kujdes”, thotë Ergys Miçi, shefi i Urgjencës në Spitalin Rajonal Elbasan.

Në 24 orë në Urgjencën e Elbasanit janë më qindra raste që kërkojnë ndihmën mjekësore. Të sëmurët kronikë dhe fëmijët janë pacientët më të shpeshtë që vuajnë shqetësimet nga goditjet e diellit.

“Kemi mbi 200 raste në 24 orë, përveç temperaturës kemi raste që kanë diagnozë diabet tension, te vjella duhet të paraqiten sa me shpejt ne urgjencë, sepse diarreja apo të vjellat japin çrregullime elektrolitike, dhe rastet që kanë probleme kardiake mund të arrijnë ne arreste kardiake sepse rritet shumë kaliumi”, shprehet ai.

Shefi i urgjencës rekomandon shmangien e lëvizjeve në orët e pikut të vapës, qëndrimin në vende të freskëta dhe konsumimin e sa më shumë lëngjeve.

Drejtuesi i urgjencës së Elbasanit, sugjeron që të sëmurët kronikë, që vuajnë nga zemra, hipertensioni apo diabeti, të bëjnë kujdes me dozat e medikamenteve.

LEXONI GJITHASHTU:

• Psikiatrja: Pse vapa shton nervozizmin dhe agresivitetin te njerëzit
• Vapa shton problemet me zemrën, kardiologia: Janë rritur me 15% infarktet