Vata tregon rastin: Një i mitur donte të vetëvritej pas publikimit të një videoje

Kryetari i Urdhrit të Punonjësve Socialë, Mirgit Vata deklaroi se nuk duhej publikuar videoja ku disa adoleshente në Tiranë, po dhunonin një bashkëmoshatare të tyre.

Në emisionin “Review” në Euronews Albania, Vata tregoi rastin kur u publikua një video me disa të mitur dhe njëri prej tyre, i cili u identifikua, donte të vetëvritej.

Sipas Vatës, nëse fëmija e identifikon veten e tij pas publikimit të videos, mund të ndërmarrë veprime që mund ta dëmtojnë.

“Nga eksperienca ime personale, në linjën e këshillimit për fëmijë, pas publikimit të një situate të tillë, ku janë identifikuar fëmijët me figurë dhe me zë, fëmija ka tentuar të kryejë vetëvrasje, vetëm nga publikimi i pamjeve.

Nëse ne identifikojmë fëmijët, e ka lehtësisht ai të identifikojë veten e vet, të ndihet keq dhe të kryejë veprime të cilat mund ta dëmtojnë veten e tij. Pra, gabim shkolla, gabim policia dhe gabim media”, theksoi ai.

LEXONI GJITHASHTU

• Dhuna e adoleshenteve, kritika e ekspertit: Shkolla asnjë masë, vetëm justifikime
• Eksperti i arsimit: Nipi i nëndrejtoreshës qëlloi me armë në Vlorë, ja çfarë ndodhi
• Dhuna mes adoleshenteve, punonjësja sociale: Fenomen që ka ekzistuar e do ekzistojë