Eksperti i Arsimit, Ndriçim Mehmeti analizoi në studion e emisionit Review, në Euronews Albania rastet e dhunës mes adoleshentëve në gjimnaze të ndryshme të vendit.
Mehmeti u ndal te rasti i dhunës mes disa vajzave të shkollë 9-vjeçare Kongresi i Manastirit në Tiranë.
Ai tha se reagimi i shkollës që thoshte se ngjarja ka ndodhur jashtë ambienteve të saj, lë shumë për të dëshiruar, pasi shmang përgjegjësinë. Shkolla sipas tij vetëm u justifikua dhe nuk tregoi asnjë plan masash që kishte marrë.
“Kam ndjekur të gjitha ngjarjet. Ndodhi në Laç që u plagosën me armë, thanë menjëherë ndodhi jashtë shkolle. Ndodhi në Sarandë, thanë menjëherë ishte pistoletë lodër. Tanmi s’ma merr mendja se do ketë ndonjë fëmijë në klasë të 7-të që të trembet nga një pistoletë lodër. Se ne me pistoletë lindim. Vetëm në Ksamil ndodhi, por komuniteti shkoi i ndau, ndoshta komunitetet e vogla janë më të ndjeshme.
Ndodhi ngajrja në një pallat, ndodhi për disa minuta, ore s’ka patur njeri në atë pallat që t’I shkonte t’i ndante.
Reagimi i shkollës qe kaq i ftohtë dhe kaq i drunjtë saqë unë nuk kuptova asgjë. Ka 12 ditë që ka ndodhur, por nuk tha asnjë masë që ishte marrë. Atje s’kishte keqardhje dhe ndjenjë përgjegjësie”, tha Mehmeti.
LEXONI GJITHASHTU