Vdekja e 3 vjeçarit, të afërm dhe qytetarë njoftojnë protestë tek klinika private

Familjarët e 3-vjeçarit që ndërroi jetë pas ndërhyrjes dentare në një klinikë private në Tiranë, si dhe qytetarë të ndryshëm, do të mbajnë ditën e dielë në orën 18:00, një protestë për ngjarjen e rëndë.

Familjarët e 3-vjeçarit dhe qytetarët do të mblidhen në ambientet e jashtme të klinikës së mjekut Roland Xhaxho, në rrugën e Kavajës, ku dyshohet se fëmija mori mbidozën e narkozës që i shkaktoi vdekjen.

Kujtojmë se 3-vjeçari bëri disa ndërhyrje dentare nën narkozë në këtë klinikë, ku më pas shfaqi shqetësime dhe ndërroi jetë në pediatri.

Familjarët akuzojnë mjekun Roland Xhaxho për neglizhencë dhe dhënien e dozave të larta të narkozës.

Sakaq ata kanë ngritur një kallëzim ndaj mjekut, ku prokuroia vijon ende hetimet në lidhje me rastin.

LEXONI GJITHASHTU:

• 300 euro një dozë anestezie, Denoncimi i gjyshit: Paguam për më shumë doza
• “E çuam në QSUT pa puls”, daja i 3-vjeçarit: Na thanë nuk i funksionon më mëlçia