“300 euro një dozë anestezie”, Denoncimi i gjyshit: Paguam për më shumë doza

Guri Spahiu, gjyshi i 3-vjeçarit që humbi jetën pas një ndërhyrjeje tek dentisti, tregoi në emisionin Review në Euronews Albania se mjeku Roland Xhaxho u kishte thënë se doza e parë e anestezisë kushton 300 euro dhe nëse ishte nevoja do paguanin një dozë tjetër.

Ai u shpreh i sigurt se sasia e narkozës që i ishte bërë nipit të tij ishte shumë e madhe, pasi kishin paguar për më shumë se 1 dozë anestezie.

Mjeku na tha që doza e parë ishte 300 euro, paguam edhe për një dozë tjetër. Na tha që në fillim jepet  300 euro për narkozën e parë, dhe nëse do ketë nevojë për zgjatje narkoze do paguani përsëri, dhe kemi paguar sërish. Kur e çuam në QSUT, mjeku sa e pa, tha djali është në gjendje kome dhe e futi urgjent në intubim, shpejt t’i heqim narkozën e tepërt na thanë”, tregoi gjyshi i të miturit.

LEXONI GJITHASHTU:

• Vdekja e 3-vjeçarit, flet gjyshi: E dërguam te Xhaxho për 4-5 dhëmbë, e mbajti 9 orë
• DOKUMENTI/ Kallëzimi penal i familjes së 3-vjeçarit ndaj mjekut Roland Xhaxho