“E çuam në QSUT pa puls”, daja i 3-vjeçarit: Na thanë nuk i funksionon më mëlçia

Elsi Qosja daja i 3-vjeçarit që humbi jetën pas një ndërhyrjeje tek dentisti, tregoi në emisionin Review në Euronews Albania se nipin e kishin çuar pa oksigjen në urgjencën e QSUT.

Ai tregoi se mjekët e urgjencës ishin alarmuar sapo i kishin matur pulsin fëmijës dhe i kishin thënë se djalit i ishte dëmtuar mëlçia.

“Kur e kemi çuar çunin në urgjencë, kur e mati mjekja pulsin, urgjent, urgjent tha, u mblodhën shumë mjeke. E morën në krah, e çuan në reanimacion. Atje duke qarë, situatë paniku, mjekët shumë humanë aty, mjeku kur ka dalë aty tha çunit i është dëmtuar mëlçia. Më pyeti mos ke ndonjë sëmundje duke qenë se je daja. Çuni ka vajtur pa oksigjen dhe pa puls, domethënë i ka pasur shumë të ulëta”, tregoi daja i 3-vjeçarit.

LEXONI GJITHASHTU:

• Vdekja e 3-vjeçarit, flet gjyshi: E dërguam te Xhaxho për 4-5 dhëmbë, e mbajti 9 orë
• Skeda e vdekjes së 3-vjeçarit, si e përcakton spitali shkakun (FOTO)