Vdekja e futbollistit 22-vjeçar, Osmani: Humbëm një talent premtues

Zëvendësministrja e Ministrisë për Kulturë, Rini dhe Sport, në Kosovë Daulina Osmani ka thënë se vdekja e futbollistit Erjon Morina është një humbje e madhe për futbollin kosovar pasi Erjoni kishte një të ardhme të ndritur përpara.

“Me pikëllim të thellë morëm lajmin për ndarjen e parakohshme nga jeta e futbollistit të ri të klubit të Vushtrrisë, Erjon Morina. Futbolli kosovar humbi një talent premtues, i cili kishte një të ardhme të ndritur përpara. Ngushëllimet më të sinqerta familjes Morina, klubit të Vushtrrisë, miqve të tij dhe gjithë komunitetit të futbollit në Kosovë. Qoftë i përjetshëm kujtimi për të”, ka shkruar Osmani në “Facebook”.

Lajmin për ndarjen nga jeta të futbollistit Erjon Morina e ka dhënë të enjten në mëngjes babai i tij, Ilir Morina.

Ai ka vdekur në moshën 22 vjeçare disa javë pasi kishte pësuar sulm kardiak gjatë stërvitjeve me klubin e futbollit “Vushtrria”.

LEXONI GJITHASHTU:

• Vdekja e futbollistit të Egnatias, Inter mesazh ngushëllimi për lojtarin
• Pësoi sulm në zemër, ndahet nga jeta në moshën 22-vjeçare futbollisti shqiptar