Veliaj dërgohet te Bllok i Sigurisë te “Mine Peza”, arrest në shtëpi për Ajola Xoxën
Kryebashkiaku i Tiranës, Erion Veliaj, është arrestuar këtë të hënë me kërkesë të SPAK. Veliaj u ndalua nga agjentët e BKH-së në zyrën e tij të punës në Bashkinë e Tiranës dhe më pas u shoqërua në Bllokun e Sigurisë 302, në rrugën Mine Peza.
Burime jozyrtare për Euronews Albania bëjnë me dije se krahas Veliajt, GJKKO ka lëshuar dhe 4 masa të tjera sigurie, 3 prejt tyre “Detyrim paraqitje” dhe një “Arrest në shtëpi”.
Masa e sigurisë “Arrest në shtëpi” mësohet se është lëshuar për bashkëshorten e Veliaj, Ajola Xoxa.
“Sipas informacioneve jozyrtare, kemi arritur të mësojmë se në total janë firmosur 5 masa sigurie lidhur me këtë dosje, ku tre masa janë për detyrim paraqitjeje. Është caktuar masa e sigurisë “Arrest në shtëpi” për zonjën Ajola Xoxa, ndërkohë që, sipas të dhënave jozyrtare, ndaj Veliajt është caktuar masa e sigurisë “Arrest me burg”, bën me dije gazetari i Euroneës Albania, Eni Ferhati.
Kryebashkiaku Veliaj akuzohet nga Prokuroria e Posaçme për veprat penale: “Korrupsion aktiv i funksionarëve të lartë shtetërorë ose të zgjedhurve vendorë”, “Pastrimi i produkteve të veprës penale ose veprimtarisë kriminale”, dhe “Refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim”.
Hetimet ndaj Veliajt drejtohen nga prokurorët Altin Dumani dhe Ols Dado. Ato janë ngritur mbi dyshime të arsyeshme se kryebashkiaku ka konsumuar elementë të veprës penale, duke përfituar në mënyrë të tërthortë përmes bizneseve të lidhura me familjarët e tij dhe biznesmenin Elman Abule.
LEXONI GJITHASHTU:
Kërkesa e PD për mocionin me debat për protestën, Tabaku në Konferencën e Kryetarëve: Dëgjoni zërin e protestuesve
Rama në Poloni për Konferencën për Rindërtimin e Ukrainës, zbardhet agjenda
Vrasja e 74-vjeçarit në Kavajë, zbardhen detaje të reja nga konflikti mes dy vëllezërve
- 10:55 Kërkesa e PD për mocionin me debat për protestën, Tabaku në Konferencën e Kryetarëve: Dëgjoni zërin e protestuesve
- 10:51 250-vjetori i SHBA-së, Trump shpall 16 ditë festime: Amerika është kthyer
- 10:43 Presidenti zviceran do të vizitojë SHBA-në, kërkon marrëveshje tregtare mbi taksat e Trump
- 10:35 Rubio viziton Bahreinin duke kërkuar mbështetjen e Gjirit për marrëveshjen me Iranin
- 10:17 Tërmetet e njëpasnjëshme në Venezuelë, Von der Leyen shpreh solidaritet për popullin venezuelian
- 10:17 Politikani rus dënohet me 7 vite burg për dy postime në rrjetet sociale kundër luftës