Veliaj me operatorët turistikë në Kavajë: Ata i duan bashkitë për përçarje dhe sherr

Nga Kavaja, gjatë një takimi me operatorët turistikë atje, në hapje të sezonit, drejtuesi Politik i PS-së për Qarkun e Tiranës, Erion Veliaj, i shoqwruar dhe nga kandidati për Bashkinë e Kavajës, Redjan Krali, deklaroi se vetwm Partia Socialiste mund ta çojë vendin përpara.

“E di që Kavaja vjen nga e djathta, e di që edhe shumica e mandateve të Saliut janë prodhuar në Kavajë, por të thuash që sot, në vitin 2023, ti ke varur xhaketën diku, dhe të mos dukesh për 4 vjet, dhe mendon se njerëzit rrinë dhe adhurojnë xhaketën tënde të varur në gozhdë, apo të thuash që këta i kam në xhep, besoj se është një fyerje shumë e madhe. Unë mendoj se njerëzit duhet të kenë një marrëdhënie bilanci me politikën. Nëse bilanci thotë se janë ndërtuar disa shkolla dhe sot kemi kushte më të mira, se është shtuar pastrimi, se është shtuar ndriçimi, se është shtuar numri i turistëve, është shtuar edhe një atraksion turistik si vepra ‘Meteor’, unë besoj se bilanci ynë në Kavajë del pozitiv, është bilanc në favor të Redit dhe Partisë Socialiste, që e shikojnë Kavajën jo për ta pasur në xhep, jo për të varur xhaketën, jo mish për top, dhe as për të mbushur autobusët për protesta në Tiranë”, u shpreh Veliaj.

Mandej, kryebashkiaku i Tiranës vijoi: “Në qoftë se ka një marrëdhënie të mirë mes bashkisë dhe qeverisë, këtu nuk ka të humbur. Unë si Kryetar Bashkie në Tiranë, kësaj here e kam ndjerë se çfarë do të thotë ta trajtosh një qytet, ose një komunitet, si mish për top. Mbaj mend protestat për Teatrin, dilte njëri me megafon dhe thoshte: ‘Shumë faleminderit Kamza, autobusat ju presin te Hotel Tirana. Nesër urgjent autobusët e Kavajës, se nesër e ka radhën Kavaja për të protestuar për Teatrin’. Trajtimi i qyteteve si depozita për të mbushur autobusët për protesta është një fyerje për çdo qytet. Unë e marr shumë seriozisht këtë fushatë dhe i kam kërkuar çdo miku, çdo shoku dhe çdo kalimtari, që të na japë një mbështetje, sepse nuk duhet marrë me sportivitet diçka që ka impakt në 4 vitet e ardhshme të jetës sonë, por sidomos në katër vitet e ardhshme të bilancit të secilës prej kompanive që është këtu”.

LEXONI GJITHASHTU:

• Hapet AgroPark Tirana, Veliaj: Fermerët kursejnë 70% të kostos që ia jepnin privatit
• Veliaj: Në 19 maj Berisha do sillet forcërisht me policë në gjykatë