Kryebashkiaku Erion Veliaj i cili ndodhet në paraburgimin e Durrësit, ka reaguar me anë të një postimi në Facebook teksa shprehet se nuk do lodhet për të zbërthyer çdo akuzë të ngritur ndaj tij. Ai shkruan se nuk ka vjedhur, as vrarë, as shantazhuar.
Reagimi i Erion Veliajt:
Mirëdita dhe bekime gjithsecilit!
Kur Ols Dado me Erjon Banin më burgosën pa gjyq dhe më ndaluan të gjitha kontaktet, me gjasë menduan se do të lodhesha së denoncuari përditë pazarin e tyre të shëmtuar, vetting-un e paligjshëm mbi 20 vitet e jetës sime – 10 vite si aktivist dhe 10 vite si shërbëtor publik.
Në dallim nga ata, unë nuk kam asnjë turp në jetën time, as kam vjedhur, as kam vrarë, as kam shantazhuar, e as do lodhem së zbërthyeri çdo akuzë.
Akuza qesharake që do të zbërthej sot lidhet me sajesën se, meqë kam fluturuar me avion në vitin 2004 (pra, kur isha 24 vjeç), me Gent Sulën, si shpërblim pas 9 vitesh ia bëra gruan e tij zëvendësministre, kur në moshën 33 vjeçare m’u besua të drejtoja Ministrinë e Mirëqenies Sociale dhe Rinisë.
1. Unë kam qenë në avione, në të cilët kanë hipur me mijëra njerëz në 20 vite, ndaj kjo provë është po aq e dobët sa karakteri banal i Nesti Violinës, i cili me siguri do ta ketë përfituar vetë ndonjë promovim në detyrë përkundër ndonjë fluturimi me avion apo me pras, për punën a qejfin e dikujt tjetër.
2. Megjithatë, zëvendësministër të bën Këshilli i Ministrave dhe jo Ministri, po Ols Angoni nuk ka si t’i dijë këto, se atë e morën për dore nga kontenierët e noterëve në Portin e Durrësit, ku e futi i ndjeri Kol Olldashi, se i mbeti nëpër këmbë, te prokuroria e përgjithshme ku e tërhoqi një shoqe për shoqni, e më pas në SPAK, ku si dikush me cene profesionale e me devijime psiko-emocionale, mund të kryejë funksione paturpësie antiligjore si kjo me familjen time.
3. Genta Sula është një kryezonjë, kryenënë, tani edhe kryegjyshe, e për më tepër, një kryeprofesioniste nga ato që moçalit tonë i provokojnë vrer e helm. Në ministri ajo drejtoi hapjen masive të zyrave të punës, riktheu në trend arsimin profesional, hapëm shkolla si ‘Herman Gmeiner’ për IT, që i pararendi TUMO-s e Piramidës, bëmë reformën e parë të pensioneve që shpëtoi arkën e shtetit dhe rriti pensionet, dhe në ditën e fundit së bashku, kaluam Ligjin për Hapjen e Dosjeve, që sigurimsat apo xhinsi i spiunave të Zylo Ramizit e morën me aq lemeri.
Tani po e kuptoj hezitimin e saj, kur nga eksperte e Bankës Botërore i thosha të kalonte në shtet, prej skuthave kompleksivë si Ols Violina, që po panë një grua të mençur, të hijshme, të aftë, profesioniste, të pavarur, të dlirë, të artikuluar, të lexuar e të arrirë, i sulen si pitbull me jargë e skërmitje, për t’i thënë vetes “jam i fortë, shih si futem në fustane dhe e mbaj gruan e targetit 9 orë në inkuizicion”.
Por, unë jam Kryetar i Bashkisë së Tiranës, jo anëtar i Urdhërit të Psikologut dhe ky qafir burrë, që paguhet sa dyfishi im për të bërë drejtësi të re, duhet çuar tek psikologu përpara se të hyjë nën fustane të tjera.
Padrejtësia diku, kthehet në padrejtësi kudo, ndaj kjo betejë do fitohet përditë e nga çdokush që do një vend të drejtë.
Ju dua shumë e më merr pafund malli për të gjithë ju!
Më vjen vërtet keq. Me të tilla fjalë vetëm ul veten. Mos shkruaj për njëfarë kohe bre burrë,se në inat e sipër gabon rëndë
Ke shku per lesh veliu
Erion Veliaj është më i besueshëm se një X person i panjohur që s’e njeh askush. Erionin e njohin të gjithë, e kanë votuar shumica, dhe e duan shumica. X personat duhet të jenë shumë transparent dhe të saktë në ato që thonë dhe ato që bëjnë, që të jenë të besueshëm, sepse të akuzosh një person të zgjedhur nga populli nuk është thjesht një gjyq, por është një gjyq publik.
Ore qe je krye hajdut ti e rezaton kilometra larg. Po mos shkruaj me se po e menderos fare.
Aman mor burrë mos shkruaj me emrin Nesti se ja fure trillin hajdutit nr 2 në Shqipëri.
Vërtet Genta Sula nje kuadër me vler per kombin Ku t gjejmë kuadër te tilla si kjo grua I lumte per përgatitjet e sai
Po per vjedhjet galopante dhe jetese prej sheiku nuk duhet thene per erion vjedhesin te pa skrupullt bashke me te shoqen e kane dermu kte vend dhe ju papike turpi e mbroni erin budalla pa diplome. turp te keni o faqe zinje dhe zvarranike tw edi tru tharit dhe tradhetarit
E kush eshte ai qe pohon se ka vjedhur apo vrare? Prit aty ku je, se do vertetohen. Keni vendosur gjoba aprior, keni hequr nga shpia pa paguar shpronesime aprior , keni grabitur fonde publike pa tenderime…prit si presin viktimat tuaja me mijra familje neper gjykata, neper streha te improvizuara…kjo eshte KARMA, ne kete jete çfar ben ta kthen ai i madhi Zot mbrapsh. Ki durim….bej saber ( se keshtu e kupton me mire me fjalet alla turke qe perdor ne publikime)