Veliaj thirrje për të votuar këshillin bashkiak: Pas pak orësh hapim piramidën

Erion Veliaj mbajti fjalën e tij në eventin përmbyllës të fushatës në Parkun Olimpik në Tiranë. Kryebashkiaku bëri thirrje për të votuar këshillin bashkiak, që e konsideroi process edhe më të rëndësishëm se vota për kryetarin.

Ai theksoi se vetëm në këtë mënyrë do të mund të përfundojnë të gjitha premtimet e dhëna dhe punët e nisura.

“Para pak ditësh mbajtëm premtimin për zonat rurale, hapëm tregun agro-ushqimor të Tiranës për t’u siguruar që nuk ka një monopol mbi frutat dhe perimet. Ajo votë është në këshillin bashkiak. Sot pas pak orësh do të hapim piramidën e Tiranës si epiqendra digjitale teknologjike që çunat dhe gocat tanë të mësojnë punët e të ardhmes, që çunat dhe gocat tanë të mësojnë digjitalizimin, që çunat dhe gocat tanë të jenë avantgard në Ballkan për dijet e asaj që do të jetë ekonomia e të ardhmes.

Sot jemi gati të shpallim fituesin për pallatin e ri të konventave në Bulevardin e Ri, për Polin e Drejtësisë, për Prokurorinë e Përgjithshme, për Gjykatën e Lartë, për muzeun e artit modern dhe për bashkinë e re, për t’i dhënë Bulevardit të Ri, të jetë shtylla kurrizore e Tiranës që shkon vetëm përpara,” – u shpreh Veliaj.

LEXONI GJITHASHTU:

• PS mbyll fushatën në Tiranë, Veliaj: Çdo punë që kemi bërë, vlerë për qytetin
• Veliaj: PS është si familje, nuk është vonë të kthehesh në drejtimin e duhur!