Berisha: Vetëm një revolucion e rrëzon pushtetin monist të Edi Ramës

Në një vend ku është vendosur monizmi i plotë dhe të gjitha pushtetet  janë në duar të një partie, vetëm një lëvizje  e fuqishme, një revolucion do mund ta përmbysë këtë sistem monist dhe një herë si në ‘90.

Kështu u shpreh kryetari i Partisë Demokratike, Sali Berisha në një intervistë për Euronews Albania, ku theksoi se PD është e vendosur të ndjekë indinjatën e madhe popullore kundër qeverisë së Edi Ramës.

“Sot kemi të bëjmë me një qeveri që në mënyrë absolute nuk përfill asnjë interes të qytetarëve shqiptarë. Kjo qeveri është e shkëputur nga realiteti dhe servir 2 gjëra; gënjeshtra me propagandë nga mëngjesi në darkë. Të gjitha informacionet që më vijnë sepse PD tani po mobilizon shoqërinë dhe potencialet e veta dhe të gjitha konstatoj se po shoqëria po zien. Mezi po pret protestën. Është në situatë pakënaqësie e jashtëzakonshme dhe po shpërthen në protestën e 7 korrikut si sipari i një cikli të pafund protestash”, tha Berisha.

LEXONI GJITHASHTU:

• Berisha: Berisha: Njoh kryeministra të tjerë ‘non grata’ dhe të suksesshëm
• Berisha: Bashës dhe Alibeajt nuk ua këshilloj të vijnë në protestë